ވާހަކައިގެ ބައިތައް

 1. ޝަޚްޞިއްޔަތުން (ކަރެކްޓަރުން)

   ވާހަކައިގެ ޝަޚްޞިއްޔަތުން ނުވަތަ ވީރުންނަކީ އެވާހަކައިގައި އުޅޭ މީހުންނެވެ. ވާހަކާގައި ހިނގާ އެންމެހާ ކަންތައްތައް ބިނާވާނީ އެވާހަކައިގައި އުޅޭ ޝަޚްޞިއްޔަތުންގެ މައްޗަށެވެ. ޚިޔާލީ ވާހަކައެއް ނަމަވެސް އެވާހަކާގައި އުޅޭ ޝަޚްޞިއްޔަތުން ހަޤީޤަތާއެއްގޮތަށް ބައްޓަން ކުރުން ވަރަށް މުޙިއްމެވެ. އެމީހުން އުޅޭ އުޅުމާއި ކުރާކަންތައްތައް ވާންވާނީ ހަޤީޤީ ދިރިއުޅުމުގައި މީހުންކުރާ ފަދަ ކަންކަމަށެވެ.

ބައޮގްރަފީ އަދި އޮޓޯ ބައޮގުރަފީ

·        ބައޮގްރަފީ އަކީ ކޮބާ؟

          މިއީ އެހެން މީހެއްގެ ޙަޔާތާބެހޭގޮތުން ތަފްޞީލްކޮށް ލިޔާލިޔުމެކެވެ. މަޝްހޫރު، މޮޅުމީހުންނާ ބެހޭގޮތުން ބައޮގްރަފީ ލިޔެފައި ހުރެއެވެ. މި ލިޔުން ލިޔެފައި ހުންނަނީ 3 ވަނަ މީހާގެ ނަޒަރުންނެވެ.

·        އޮޓޯބައޮގްރަފީ އަކީ ކޮބާ؟

         މިއީ މީހަކު އެމީހާގެ އަމިއްލަ ޙަޔާތާ ބެހޭގޮތުން ލިޔެފައިވާ ލިޔުމެކެވެ. އޮޓޯބައޮގްރަފީ ލިޔާނީ ފުރަތަމަ މީހާގެ ނަޒަރުންނެވެ.

ރިޕޯޓު ލިޔުން

ރިޕޯޓަކީ ކަމެއް ހިނގައިފައިވާ ގޮތް ނުވަތަ ކަމެއް ހިނގަމުންދާގޮތް ނުވަތަ ކަމެއް އޮތް ޙާލަތު ބަޔާންކޮށް ލިޔާ ލިޔުމެކެވެ. މީގެ އިތުރުން ތަނަކާ، އެއްޗަކާ، ނުވަތަ މީހަކާ ބެހޭގޮތުންވެސް ރިޕޯޓް ލިޔެވިދާނެއެވެ. ރިޕޯޓުގައި މައިގަނޑު ދެބާވަތެއް ހިމެނެއެވެ. އެއީ ސާދާ ރިޕޯޓާއި ތަފްޞީލް ރިޕޯޓެވެ. މި ދެބާވަތުގެ ރިޕޯޓް ތަފާތުވުން ބިނާވަނީ ރިޕޯޓުގައި ހިމަނާ މަޢުލޫމާތުގެ މިންވަރާއި ތަފްޞީލުގެ މައްޗަށެވެ. ހަމަ އެހެންމެ މި ދެބާވަތުގެ ރިޕޯޓުގެ އޮނިގަނޑު ނުވަތަ ބައްޓަންވެސް ތަފާތެވެ.

ނަމޫނާ ރިޕޯޓެއް

ފ. ފަނިފަކުސަފުށްޓަށް ކުރިމަތިވެފައިވާ މަސްތުވާތަކެތީގެ މައްސަލައަށް ޙައްލެއްހޯދުން

ތަޢާރަފް :

      މިއަދު ރާއްޖެއަށް ކުރިމަތިވެފައިވާ އެންމެ ބޮޑު އެއް މައްސަލައަކީ މަސްތުވާތަކެތީގެ މައްސަލައެވެ. މިގޮތުން ފ. ފަނިފަކުސަފުށްޓަކީވެސް މި މައްސަލައާ ކުރިމަތިލާންޖެހިފައިވާ ރަށެކެވެ. މިއީ ނާކޮޓިކްސް ކަންޓްރޯލް ބޯޑުގެ ފަރާތުން މި މައްސަލަ ރަނގަޅަށް ދިރާސާކުރުމަށްފަހު އޭގެ ޙައްލެއް ހޯދުމުގެ ގޮތުން ލިޔާ ރިޕޯޓެކެވެ. މި ރިޕޯޓު ބިނާވެފައިވަނީ ރަށުގެ ޙާލަތާއި، ރައްޔިތުންގެ ޞިއްޙަތާއި، މަސްވެރިކަމަށް ކުރާއަސަރާއި، ފަތުރުވެރިކަމަށް ކުރާއަސަރާއި، އިޖުތިމާޢީގޮތުން ކުރާއަސަރާއި މިކަން ޙައްލުކުރުމަށް އެޅިދާނެ ފިޔަވަޅުތަކުގެ މައްޗަށެވެ.

މަޒުމޫނު 2

ޕެރެގުރާފުގެ އުންސުރުތައް

      ޕެރެގުރާފެއް ބިނާވެގެންވަނީ މައިގަނޑު އެއް ޚިޔާލެއްގެ މައްޗަށް އަމުނާލެވިގެން ގަތާލެވިފައިވާ ޖުމުލަތަކަކުންނެވެ. ޕެރެގުރާފެއްގައި ނަމަ އެއް ޖުމުލައަށްވުރެ ގިނަ ޖުމުލަތައް ހިމެނޭނެ އެވެ. މިދެންނެވި ކޮންމެ ޖުމުލައަކީ ވަކިވަކި ވަޒީފާތަކެއް އަދާކުރާ ޖުމުލަތަކެކެވެ. ކޮންމެ ޖުމުލަ އަކަށް ޕެރެގުރާފުން ޚާއްޞަ ވަކި ޖާގައެއް އޮވެ އެވެ. އެހެންކަމުން، ޕެރެގުރާފުގައި ހިމެނޭ ކޮންމެ ޖުމުލައަކީ ވަކިކަހަލަ މަސައްކަތްތަކެއް ފުރިހަމަކުރުމަށް ބޭނުންކުރާ ޖުމުލައަކަށްވުމުން ޕެރެގުރާފުގެ ފެންވަރު އިތުރުވެގެންދާނެ އެވެ. ފުރިހަމަ ޕެރެގުރާފެއްގައި ނަމަ މަދުވެގެން އަސާސީ ތިން ވައްތަރެއްގެ ޖުމުލަ ހުންނާނެ ކަމަށް މަޝްހޫރު އަދީބު އެންޑީ ޖޯންސް (އ.ނ) ހާމަކުރައްވަ އެވެ.